طلب لطالبة السن

السلام عليكم ورحمة الله وبركاتة
انا طالبة في اولي كلية السن جامعة عين شمس بالقاهرة
وانا بطلب مساعدة الاعضاء لان دي اول سنة اتعلم فيها الماني والكلية عندنا مذاكرتها شديدة حبتين
والطلب هو

في مادة النصوص السنادي جزء اسمة نصوص من النت
يعني اسئلة وبنجبها من النت
لو تعرفوا مواقع تساعدني في اجابة الاسئلة وكلمات سهله عشان هحفظها اوك
وممكن اللي يجيب اجابة لسؤال يجيب اسم الموقع
الاسئلة اهه
? wie schützen sie sich gegen die schweinegrippe
wie werden sie deutsch sprache beherrschen
?nenn sie einige schenswürdigkeiten in Agypten
? warum lehrnen sie deutsch

وبخصوص السؤال التاني قالتلنا الدكتورة حطوها في نقط الا تقل عن 5 نقط
علي الا تقل اجابت السؤال الواحد عن 7 ل8
انا ارجوا انكوا تساعدوني
وارجوا اني مكونش تقلت عليكوا

انا كمان زيك والمادة انا شايفة انها صعبة اوى

طب هنعمل فيها اية المادة الرخمة دي انتي بتديكي مين د منال ود نرمين برضة

انا عندى رأى واتمنى انه يفيدكوا
هو الموضوع هيحتاج منكوا شويه صبر وطوله بال انكوا تبحثوا ع النت
بس نصيحتى بلاش تدوروا على حاجة نصيه يعنى مثلا اول سؤال بيتكلم عن أنفلونزا الخنازير
ممكن من جوجل تجيبوا كام مقال كده عام عن الموضوع وتقروة وتحاولوا تلخصوا او تكونوا رأيكم الخاص
متقلقوش انا حاسه كمان ان المواضيع نفسها مفتوحة والكلام عنها كتير
فى مواقع زى :
[ندعوك للتسجيل في المنتدى أو التعريف بنفسك لمعاينة هذا الرابط]
المواقع دى هتلاقوا فيها مقالات كتير انا نفسى نزلت مقلات من حوالى اسبوع عن انفلونزا الخنازير واللغة الالمانيه
اعملوا مجموعات عمل وطلعوا مثلا خمس مقالات وترجموها سوا وكل واحد يكتب بأسلوبة
المادة لذيذة بس انتوا علشان مضغوطين بمواد تانى كتير واصعب واهم
ربنا معاكو واتمنى اقدر اساعدكم

مش انتو لوحدكوا يا جماعه انا برضوا في اولي وتايهة جدا ربنا معانا

دكتور نرمين بيتهيقلى سهلت الموضوع علينا شوية

انا عاوز اعرف ازاى اتقن اللغة كويس اوى